我的意大利廚房 (已結業)

㖊日过黎湾仔, 约左个朋友食lunch, 佢带左我黎呢间食意大利餐, 餐厅分开上下两层, 我地上左楼上, 都几大, 啲位几宽敞, 中间仲摆放左梳化加埋个壁炉, 咁啱出面天气冻冰冰, 入到黎就即刻觉得暖立立! 而且,当时人客未太多, 成个环境气氛都好舒服! 跟住叫野食, 佢地有lunch set, 我地叫左一个pizza set, 一个意粉set, 谂住share 黎食, 先黎个菠菜烟肉汤, 好香浓, 好味! 跟住黎个pizza, 饼底都好脆! 仲有我钟意食嘅白汁意粉, 呢个餐系杂菌跟蝴蝶粉, 啲杂菌好好味, 配埋个汁一啲都唔heavy, 仲好健康, 最后加埋个咖啡同甜品, 埋单两人240。