影片
更多
2014-12-28
2982 浏览
香港由几时开始冬天落雨嘅呢。。。无记错当年教科书上写嘅系春天夏天落雨的。。。冬天落雨，又湿又冻，唔想周围走，但就又想食野，难得两日假冇理由留喺屋企架，于是就上网揾野食喇。我好耐之前已经想去捐血，但南非艾滋病咁厉害嘅地方令我好有心理压力所以一直冇去，返到黎香港当然要去啦，为己为人嘛，我一向觉得女人每个月都流血系例行公事，流完血之后身体就会造新嘅血，总觉得身体上有新嘅血会健康啲，所以难得放假，今日一定要去，但去边间呢？出去就想食野，所以一定要揾间就脚嘅，我宜家住喺彩德邨，一系去旺角，一系去APM。。。就去APM啦！（唔好意思浪费大家睇食评嘅时间，但捐血哩种利己利人嘅事，喺身体状况容许嘅情况下应该支持的😊）APM喺𠮶边，就行过去九龙湾地铁站啦，𠮶边食边间好呢。。。查下Openrice附近有咩好野食先。。。就佢啦！😁淘大商场。。。行入去。。。穿过去。。。露天广场。。。左望右望。。。行到另外一边角落。。。终于揾到了😝一入门就听到店员门用日文为我讲句【欢迎光临】了，突然觉得自己好受欢迎，哈哈😁 店员问我几个人，我一个啊，就带我埋位了，坐入卡位嘅一角，位置足够，坐得都算舒服吖～ 睇下餐牌先，我怀疑我
淘大商场。。。行入去。。。穿过去。。。露天广场。。。左望右望。。。行到另外一边角落。。。终于揾到了😝
一入门就听到店员门用日文为我讲句【欢迎光临】了，突然觉得自己好受欢迎，哈哈😁 店员问我几个人，我一个啊，就带我埋位了，坐入卡位嘅一角，位置足够，坐得都算舒服吖～ 睇下餐牌先，我怀疑我有选择困难，好彩一心黎哩度食炸猪扒，所以唔使浪费咁多时间😚 店员大姐就喺我啱啱决定好嘅时候走过黎，实在太好了😊就要【吉列炸虾猪扒定食】啦～
好，真系啱啱点完餐，攞起部电话，开咗Whatsapp，打唔够几句，我点嘅野就上台了，真系唔知系咪好事。。。。。。
食野～ 咬啖炸猪扒先。。。表面唔系好脆，亦唔系好软，入面猪扒松松的，食落感觉ok啦，要求唔好太高，快餐而已，份餐上得咁快，唔太热系预料之中了😌
再夹件虾，点啲沙律酱，咬咬，就如我啱啱讲嘅，快餐而已，唔好预只虾会又大又鲜，口感ok就已经收货的了😜，再夹一件，再点点。。。。。。都未食完一半，𠮶碟细细碟嘅沙律酱就已经俾我点完，见到旁边有烧汁就加啲落猪扒度啦，试下先。。。味道又ok喔，但食炸虾我比较中意配Mayonnaise啰，份Mayonnaise真系有啲小气😁 我见啲店员各有各忙，啲烧汁老实味道又ok，我人又比较随便，所以冇叫店员大姐帮我添加，但我会提议食友们如果觉得有需要就唔好客气喇。。。
攞起支dressing加落啲椰菜度先～ 食食，ok啊，口感啱啱好，够脆，又唔系太脆（我讲紧啲乜😁），同dressing嘅味道配合起黎，食落都算舒服吖。
面豉汤就冇乜特别，大众味道唔难饮，成本又唔高，食日式定食冇返碗就好似差啲乜咁😊
食啲虾食啲猪扒食啲饭饮啲汤，食到最后发现。。。剩返大半碗白饭同汤。。。有问题的，但唔知点讲，唔食埋一黎浪费（自细阿婆教落，食物要完全食晒，粒粒皆辛苦呀！），二黎唔够饱，就将啲汤加埋落啲饭度食埋佢，就如之前讲的，啲汤味道ok的，所以味道还是唔错的😁
好喇，食完，7成饱，份量还可以，埋单走人，整体而言，哩餐算系食得满足的，每样食物水平都唔差，食完感觉就好似食完【大快活】咁，食得舒服但唔会有咩兴奋或者激动嘅感觉啰，OK啦
张贴
