茶木‧台式休閒餐廳 (屯門市廣場1期)

营业中

休息中

路边滩小吃：炸鸡外脆内嫩，食落几juicy 。台湾香肠煎得外皮香脆。圆滚滚芋泥球：就算放耐咗，外皮依然香脆。芋泥软糯，入面有咸蛋黄同肉松，味道丰富。红葱酱烧猪软骨米粉：猪软骨大大嚿，炆得香松软淋，如果有多啲软骨就更加好😚新竹米粉吸收汤汁，劲入味但唔会糊掉。乌鱼子元贝手作面：两大粒元贝嫩滑爽口，冇雪味，乌鱼子忌廉酱汁香浓带有咸鲜味，手作面Q弹。曲奇雪糕拼草莓吉士可颂窝夫：雪糕好大球，有几种味可以拣：朱古力，草莓，抺茶，曲奇。窝夫热辣，都算几松脆，吉士唔会太甜，加埋士多啤梨甜甜酸酸，好味。四色啵啵芝麻豆乳：有4色芋圆同埋豆花，黑芝麻味浓郁。唔止系饮品，当佢甜品都得。食物质素稳定，茶水自助，座位唔逼夹，冇限时可以慢慢食，系咁多年都食得几舒服嘅连锁餐厅。