馥苑海鮮酒家

营业中

休息中

好耐冇去过尖东食嘢，今日嚟到位于好时中心一楼嘅馥苑海鲜酒家饮杯茶食个包。我第一次嚟呢间酒楼，地方阔落，摆位有一定嘅距离，食得好安心。见有中午厨师套餐推介，除了前菜、手工点心、主食和甜品之外，还有滋补靓汤，但价钱只需百零蚊一位，觉得都几抵食，于是就叫了嚟试吓。陈村醋猫耳朵虽说是前莱，但吾细碟，云耳爽口，酸酸地好醒胃。西洋菜陈肾煲生鱼汤呢款滋补靓汤一上枱已经闻到好香，煲得好够火喉，味道浓郁，饮落好香陈肾味，最钟意就系有埋汤料上枱可以食番。至尊虾饺王即蒸即上，热辣辣，虾饺皮不算厚，虾肉爽口。斑兰梅菜包顾名思义，不出我所料，个包系绿色嘅，够特别。外包好松软，里面包着满满嘅梅菜肉碎粒，味道比起传统嘅叉烧包毫不逊色。我反而仲钟意呢个班兰梅菜包冇咁漏。花胶蚝豉炆伊面百零蚊一个餐有花胶蚝豉食，真系意料之外，而且份量比想像中多。味道恰到好处，不会太咸。滋润红豆沙呢碗甜品用料非常足，有好多红豆和莲子，还有阵阵果皮香，非常滋润。虽然已经食到好饱，但系都忍唔住食晒成碗红豆沙。