食咩鮮

营业中

休息中

观塘呢区嘅工厦真系隐藏住好多美食，所以几乎每次嚟都有惊喜，最近又畀我发掘到间取名「食咩鲜」嘅外卖店。睇咗佢哋嘅 IG，原来店舖主打惹味住家菜，每种食材都经过严格筛选配搭，用料上乘，啱晒有要求嘅朋友。点咗牛柳焗意粉 同 鸡皇焗饭 各一，睇下个 Packing 几靓仔，每个饭都以一个铝锡兜装住，再用纸盒独立包装，既卫生又企理。意式爆茄厚切牛脷焗饭，牛脷厚切，肉质弹牙，食落好有咬口。酱汁应该系用咗新鲜蕃茄制作，入口酸甜度啱啱好，配埋米粒分明嘅蛋炒饭一齐食，味道一流！原来个蛋炒饭系用金凤米配日本蛋炒出嚟，唔怪得饭粒烟韧软糯，蛋香十足，即刻升华焗牛脷嘅层次！另外呢盒拉丝芝士白汁鸡皇焗饭，卖相亦超吸引，鸡件非常嫩滑，食落鸡味好浓郁，啖啖肉，很滋味。白汁超 Creamy，舀起仲有拉丝效果，加埋垫底嘅蛋炒饭，真系无得输，口感劲丰富。两个饭都好正，唔单止食材优质，而且用料讲究，绝对系物有所值。餐厅而家做紧新年优惠，外卖自取即可享全单7折；即场赞好埋佢哋嘅 FB 或 IG 专页，更可获赠精选小食一客，咁著数，千祈唔可以错过。