影片
更多
2023-05-04
389 浏览
🤸 主打健康、款式多样化嘅西日fusion 餐厅 🍽️PEKO PEKO 现时共有3间店：何文田、荃湾、太古三间店舖木系装潢都带不同嘅感觉，荃湾海之恋店有海景露台位，啱哂情侣去，何文田店就给人温馨小角落嘅感觉，至于我去太古呢间就感觉适合家庭或朋友一大班人聚餐咁样 😊平日夜晚去都满场咁滞，好开心可以坐到比较特别嘅洞穴梳化座位 😃 私隐度up 🔝 我同朋友测试过，讲嘢大声系会自己围内收返哂d音，隔离台听唔到嘅 😆 不过大声讲，就会嘈返自己啰 😂🙉嘢食方面有饭、意粉、沙律/小食、扒、海鲜、甜品都有！饮品都有茶/啡、奶昔、果汁，甚至酒类都有 😀🍓 LOVE STRAWBERRY 呢个沙律真心劲！有草莓、无花果、蓝莓、车厘茄、沙律菜加咗少少醋汁 🥗好大碟，卖相又吸引！全部食材都好新鲜又健康，酸酸甜甜食哂零负担 🥰🐙 慢煮和风酱油八爪鱼呢碟我个人都几推介，亦系PEKO PEKO 嘅 signature嚟架 🌟除咗蔬果沙律以外，呢个系唔错嘅选择 😀唔钟意食酸尾尾沙律嘅朋友，可以试下呢款，系一碟开胃嘅海鲜拼沙律菜嘅头盘 🥗有蓝青口、海蚬、车厘茄、沙律菜，当然仲有主角八爪鱼啦 😆青口同海蚬不过不失，如果份
PEKO PEKO 现时共有3间店：何文田、荃湾、太古
三间店舖木系装潢都带不同嘅感觉，荃湾海之恋店有海景露台位，啱哂情侣去，何文田店就给人温馨小角落嘅感觉，至于我去太古呢间就感觉适合家庭或朋友一大班人聚餐咁样 😊
平日夜晚去都满场咁滞，好开心可以坐到比较特别嘅洞穴梳化座位 😃 私隐度up 🔝 我同朋友测试过，讲嘢大声系会自己围内收返哂d音，隔离台听唔到嘅 😆 不过大声讲，就会嘈返自己啰 😂🙉
嘢食方面有饭、意粉、沙律/小食、扒、海鲜、甜品都有！
饮品都有茶/啡、奶昔、果汁，甚至酒类都有 😀
🍓 LOVE STRAWBERRY
呢个沙律真心劲！有草莓、无花果、蓝莓、车厘茄、沙律菜加咗少少醋汁 🥗
好大碟，卖相又吸引！全部食材都好新鲜又健康，酸酸甜甜食哂零负担 🥰
🐙 慢煮和风酱油八爪鱼
呢碟我个人都几推介，亦系PEKO PEKO 嘅 signature嚟架 🌟
除咗蔬果沙律以外，呢个系唔错嘅选择 😀
唔钟意食酸尾尾沙律嘅朋友，可以试下呢款，系一碟开胃嘅海鲜拼沙律菜嘅头盘 🥗
有蓝青口、海蚬、车厘茄、沙律菜，当然仲有主角八爪鱼啦 😆
青口同海蚬不过不失，如果份量多少少就好d 😝
八爪鱼系大切件一件上，有点霸气，需要食客自己切，钟意食大件细件都得 😁 八爪鱼因为慢煮，保持到佢嘅原味，好juicy ❤️ 记得试下点埋佢嘅自家制青酱嚟食啊！真系好夹好好味 😋😙 连沙律菜都好味，车厘茄系爽甜架！😍
🍛 香蒜和牛粒炒饭
有和牛粒、泡菜、腌渍箩卜粒、蛋及蒜片。
和牛粒用蒜片炒过当然香口，肉质嫰腍 😋
加咗泡菜同腌渍箩卜粒加点点酸味，令人食得开胃感觉不会腻，再加蛋及蒜片为炒饭增添浓厚香味 🤤
🥧 焦糖肉桂苹果慕丝蛋糕
蛋糕喺造型上模仿一个🍎嘅样，但个人觉得个卖相比较一般 🙈
点知！朋友一切落去，佢话好软绵！蛋糕外边就系焦糖慕丝，唔怪之得个造型系咁嘅颜色啦 😀 内里系满满苹果粒及苹果蓉 😍 肉桂苹果好香甜，加埋软绵嘅mousse，虽然细细件但好滋味 👍
🍑 洛神白桃乳酸梳打
杯嘢饮嘅颜色好靓带点浪漫咁，因为有洛神花加持 😁🌺
平时我好怕饮好甜，或一饮有dd糖水味，我就会唔想再饮，但呢杯对于我嚟讲有d例外 😀 白桃系甜，但加埋乳酸梳打，仲有片柠檬，味道酸酸甜甜，饮落口唔会觉得口渴又或者好甜！最惊喜杯梳打入面仲有爆珠波波咬呢 😆❤️
🥑 Avocado Smoothie
完全健康之选！闻落去好新鲜嘅牛油果香味，饮落唔会系好甜冇糖水味，但质地好绵滑，饮哂有饱肚感 😙
面头仲舖咗d 开心果碎粒同奇亚籽 😃 丰富个口感👍
张贴
