粥地海鮮粥底火鍋

营业中

休息中

食鸡煲食得多，又油又浓味，好似唔太健康，所以拣左呢间清d既粥底海鲜火锅黎食下，岩哂一家大细，男女老幼，皆因后生既就好钟意食海鲜，而老妈子就钟意食个粥啦。佢系package按人头计俾海鲜加自选5个非海鲜既材料，例如：肥牛、豚肉、菜等等，再另送两款材料，最后佢仲会加d芋头粒同埋南瓜粒落去粥底度煲既，包你一定捧住个肚返屋企。不得不赞，佢d海鲜真系好新鲜，d虾仲系度弹下弹下，真系生猛到你惊><（哈...有片为证）其他花甲呀、象拔蚌呀都好正，鲜甜嫩口，最重要系够鲜味，个粥先好味，最后食左2碗半粥呀。轻轻一提，如果食快d，唔好加咁多次水应该会仲鲜甜d架。另外想推荐埋个南乳鸡翼，超好味，系等紧个汤滚既时间食就最一流。