鼎王麻辣鍋 (The LOHAS) (已結業)

下午茶忽然想食火锅，即刻谂起鼎王下昼有$328/2位火锅餐好抵食，已经食过几次，个餐其实好够食，因为豆腐同鸭血任添，其他单点食材系唔平嘅，甚至可以拍得住贵价火锅店，但食材新鲜，白饍、牛小排同去皮鸡脾肉好正。可能俾人感觉性价比唔高，每次去都冇乜人，但呢个二人火锅餐真系抵食的，真心推介。因为店内真系唔多客，服务好好，店员会主动睇睇客人需唔需要添加鸭血同卤豆腐，鸭血又大件又滑，超好味，小朋友去食都啱，小辣其实唔算辣，只系少少惹味嘅感觉。