火鍋隨意門

营业中

休息中

之前听朋友讲过铜锣湾新开左间高质边炉，于是慕名而来嚟到呢间楼上铺，谂住食好啲，填补番冇得去旅行嘅空虚。店员一嚟就帮我哋开炉渌餐具，而且非常友善，呢种服务态度令我一度以为自己去左日本。其实落单拣汤底都谂咗好耐，因为佢每款都好有特色，唔系出面一般试到嘅，例如佢个芝士龙虾汤底同麻油鸡汤底都好吸引，但最终都系拣咗个土耳其香草羊肉汤底试试，因为好似比较少见。因为唔想再谂，于是拣咗一个牛肉拼盘，一个海鲜拼盘，净下来要做嘅事就只有食... 牛肉拼盘卖点系四国风情，集A4和牛、澳洲和牛、手切牛颈脊、同埋土耳其香草牛，每片牛肉都布满雪花，食落口啖啖都系享受...都系因为唔想谂，陆上拼盘叫左，再嚟多个海鲜拼盘，集齐各种矜贵靓海鲜，筒蚝鲜虾唔晒讲啦，估唔到仲有鲍鱼圣子呢啲平时比较少食嘅，而且大力推介大家要试试佢哋嘅扇贝，因为真系好大只多汁鲜甜！既然唔知几时有得去旅行，系要食好啲氹下自己嘅。