Honbo (已結業)

一直都认为汉堡系种好简单嘅食物，平时食开连锁快餐店嘅时候唔会太著重汉堡点先叫好食。今日食Honbo嘅cheese burger份量虽然一只手拎晒，但呢个size唔会大到食得好论尽，或者食到漏晒汁。面包唔似系买入，外干内软，感觉系手工整，唔只望落卖相好睇，仲好夹汉堡嘅馅，非常美味。牛肉煎得好好，外面煎得好香但里面充满肉汁。可能系自己做嘅汉堡肉，似乎混合左唔同种类嘅牛肉，口感非常特别。薯条即炸热辣辣当然好好食，又唔会好咸。如果唔大食叫一客两人分都够。餐厅环境宽敞，员工都好好服务，希望之后沙田食饭都可以继续食到咁好食嘅汉堡。