焼肉而今 by 富小路やま岸

今年生日又撞正停晚市堂食，本身一早book好咗嘅晚餐变咗食午餐。但有得食和牛烧肉，无论朝早定夜晚食都系开心嘅！一坐低就嗌酒饮午市以和牛烧肉定食为主，有多种部位选择，另外有sukiyaki、乌冬、石锅饭等等。定食包括沙律，前菜，白饭同茶碗蒸。茶碗蒸超滑溜，啖啖充满日式高汤味想咩部位都试下，所以点咗极上A5黑毛和牛烧肉盛合定食同埋酱汁A5黑毛和牛牛小排烧肉定食，另外加一份牛舌。极上A5黑毛和牛烧肉盛合定食有四个部位，分别系牛柳(ヒレ)、贝身(カイノミ)、西冷(サーロイン)肩胛(肩ロース)。全部都有好靓嘅油花，未食落口都知道好味牛柳同贝身都系脂肪少，非常柔软而肉味香浓。西冷油脂丰富，油脂同肉味好平衡。肩胛同样都有丰富油脂，而且肉味浓厚。酱汁A5黑毛和牛牛小排烧肉定食嘅牛小排(カルビ)，系我食烧肉最爱食嘅部位加咗酱汁嘅牛小排带点微甜，酱汁味道刚好，唔会抢咗牛肉味。另外点嘅牛舌系厚切，爽口得嚟唔会韧。值得一提嘅系服务几好，开咗炉觉得好热，侍应就即刻较大个冷气而且会过嚟帮手烧肉，虽然我本身钟意自己烧多啲。总括嚟讲食物质素高，A5黑毛和牛同喺日本食到嘅一样咁正呢餐饭感觉好似返咗乡下咁。