韓川

营业中

休息中

今日同朋友喺旺角行街见好肚饿就求其入一间，完全冇谂过会食啲咁样嘅垃圾。入到去首先冇人攞水冇人攞杯，直到有水攞过嚟嘅时候都仲未有杯，要叫佢先至会攞过嚟。行咗成日街好口渴，想饮啖水，一饮点知系水喉水味。谂住呢啲小问题，或者自己味觉有问题。所以都有佢。希望啲嘢食好味啲，我哋叫咗个熔岩芝士炸鸡，明明幅图同个字都写住系炸鸡，但系嚟到嘅时候变咗鸡翼。以为自己叫错咗去返餐牌度睇，点知原来佢下面细细行写住系鸡翼。谂住当自己大意由佢啦，食落去完全系气炸锅嘅CP鸡翼。15只CP鸡翼加啲芝士酱喺我面前淋落去就做收我$168，我宁愿攞晒所有钱去食脆香鸡翼算数。开餐前揾餐具乜都冇，又要叫佢拎，想食个前菜泡菜又要问佢拎，咁佢个服务费收嚟做咩？谂住小食差都算数，希望个主食好味啲，叫咗三个盖饭，两个芝士牛肉饭同埋一个芝士鳗鱼饭。啲饭又湿，芝士又唔够啲肉又难食。总之呢一间野除咗个环境靓之外真系零分。老实讲从来冇试过登入比任何评语，但系呢次真系差到要比。如果呢间嘢收我$200我完全冇问题，最大问题系佢收咗$500俾啲咁嘅质素出嚟。