大師傅粥品 (天瑞商場)

营业中

休息中

近排食得比较多，晚上想食清淡啲，念起呢间粥店，平时好少嚟食，因为食物一般，但有时心血来潮，想食就食，咁多年，都会定期嚟食，update下。🤣每次嚟只会点三宝：艇仔粥、炒面、油炸鬼，一个人其实唔点食得晒，但贪心想食，又担心唔知下次几时再嚟。今次艇仔粥料好多，肉碎、鱿鱼、猪皮差唔多有半碗分量，师傅咁重手，我当然照收。粥绵绵的，食晒。炒面仍然系多年嘅味道，淡淡豉油味，唔油腻，虽然炒得完全冇镬气，但我就系钟意呢种淡淡的味道，送粥唔错。油炸鬼大大嚿，张大个口都唔够大，食唔到，唯有撕开嚟食。油炸鬼放到夜晚都仲脆，唔错。