Le Colonial

营业中

休息中

星期五晚七点几四个人可以Walk in直入有啲惊讶，有一位本地后生男侍应态度非常好，好细心，东南亚裔嘅女侍应都合格，但有一个东南亚裔嘅类似店长嘅阿叔，我地食完八个𩠌十分钟都冇，呢个阿叔已经系咁收嘢，不断望住我地，要强调佢真系望得好频密！劲唔舒服！似乎想俾压力我哋想赶人走，但系佢间舖头根本就唔full，极度怀疑呢个疑似店长嘅阿叔可能系喺某啲大型连锁快餐店做开🤣🤣但系一本通书唔可用到老架，做人做事最紧要食脑晓变通呢条街啲餐厅系咁执笠，呢间餐厅畀呢啲自作聪明嘅人揸fit应该都好快执😂😂室内环境几好，但好少位，部份细枱好迫，同隔离枱非常近，好彩我哋坐大枱唔驶迫，因为呢间嘢啲嘢食都几贵。室外好多好多好多人食烟！非吸烟者千祈唔好坐出面！食物系几好食，但非常overpriced，例如：鸡翼两只要百几蚊、两串鸡串烧都要差唔多一旧水⋯性价比十分低，但系呢条食街都系充斥住表面光鲜啲嘢好贵但啲食物唔算劲好食嘅餐厅，呢间唔算最差嘅～