影片
更多
2023-10-28
2902 浏览
虽然食物唔系节目形容到咁超级出色，但价钱的确算平民，整体性价比算系高。但浓妆女店员态度差到令人无可能再帮衬。1/问都唔比问入座纯粹问下会唔会安排到坐圆台，极度串咀话人地一早订架。（我张台都早左个半月订。得与唔得唔重要，客人礼貌问，正常态度回答，好基本卦。）2/佢可以问，你唔可以即刻答落单点野，家人点左两个𩠌（真系两个）。我话想点埋汽水，佢问：「饮咩？」我回应佢：「两个Zero, 1个忌廉..」佢好大反应，发老脾话叫我比佢写埋先。原来佢问我饮咩嘅时候，佢仲未写完我屋企人点嘅两个𩠌。十万个O咀，系佢问我饮咩，我先开始讲三罐汽水出嚟，佢走嚟开个客波话人唔比时间佢写。佢明知自己未写得切，讲句「等等」咪得啰。（都系𠮶句，等佢好闲，态度可以唔驶做到全港最差。）3/百无仲要赖个客以下全部无（我食六点场）：炸猪肠XO酱捞面腩肉生炒骨当我被告知生炒骨都可以无嘅时候，hold唔住表情O左咀。阿女店员话：「我地有啲𩠌要留架，今朝已经打左电话问你地留唔留𩠌。」我今朝喺电话度，清清楚楚问佢「有咩𩠌系需要预早留？」佢完全无提过上面呢堆𩠌。（佢提左另一堆，例如$340/4只蛏子。我同家人无兴趣，所以无要求留）我忍唔
但浓妆女店员态度差到令人无可能再帮衬。
1/问都唔比问
入座纯粹问下会唔会安排到坐圆台，极度串咀话人地一早订架。（我张台都早左个半月订。得与唔得唔重要，客人礼貌问，正常态度回答，好基本卦。）
2/佢可以问，你唔可以即刻答
落单点野，家人点左两个𩠌（真系两个）。我话想点埋汽水，佢问：「饮咩？」我回应佢：「两个Zero, 1个忌廉..」佢好大反应，发老脾话叫我比佢写埋先。原来佢问我饮咩嘅时候，佢仲未写完我屋企人点嘅两个𩠌。十万个O咀，系佢问我饮咩，我先开始讲三罐汽水出嚟，佢走嚟开个客波话人唔比时间佢写。佢明知自己未写得切，讲句「等等」咪得啰。（都系𠮶句，等佢好闲，态度可以唔驶做到全港最差。）
3/百无仲要赖个客
以下全部无（我食六点场）：
炸猪肠
XO酱捞面
腩肉
生炒骨
当我被告知生炒骨都可以无嘅时候，hold唔住表情O左咀。阿女店员话：「我地有啲𩠌要留架，今朝已经打左电话问你地留唔留𩠌。」
我今朝喺电话度，清清楚楚问佢「有咩𩠌系需要预早留？」佢完全无提过上面呢堆𩠌。（佢提左另一堆，例如$340/4只蛏子。我同家人无兴趣，所以无要求留）
我忍唔住燥返佢「你今朝唔系提呢堆𩠌！」屋企人都话「生炒骨都要留呀？唔系呀？」佢先收声。
呢啲所谓嘅隐世小店，受欢迎少少就丧比气客受，自问真系受唔起。如果真系咁怕忙，就唔好接受节目访问啦。
张贴