泰坊 (已結業)

呢间嘢以前都食过，份量同味道都可以，但昨晚再入去就有啲失望。叫咗脆肉班兰面，四只圣子(每只18蚊，都预咗佢细只㗎喇）同埋软壳蟹农夫包，先嚟个面，一食落去…啲汤暖暖哋咁样…唔热嘅！怀疑啲料摆入碗里面再加汤上去，本身汤唔系滚，啲料又系冻，所以搞到成碗嘢只系暖暖地。之后再上圣子，又系暖暖哋唔热嘅！农夫包系正常，不过啲软壳蟹冇搣蟹腮。仲有少少苦苦地味。席间发生咗啲事都想讲讲。我哋下午6点05分入到去，佢话执紧枱，叫我哋坐埋一边先，坐咗大概都几分钟先至叫我哋埋去另外一边坐，好奇怪。之后落单想叫柠檬茶，佢竟然话冇！只有柠蜜同柠水，但个餐牌明明有柠檬茶……不过算了。 食食下阿姐走埋黎问啲嘢得唔得？我话两碟嘢都系唔够热嘅，阿姐话你出声吖嘛…换畀你。(我当时谂，咁样质素，都唔知仲有冇下次，都费事换）就叫佢同厨房单声，啲嘢唔够热，要注意一下。后来到差唔多食完，就嚟咗两件椰汁糕，话送嘅，又无端端攞多一杯柠蜜过嚟，叫我饮埋佢！(可能我话啲嘢唔够热卦，所以送啲嘢畀我食畀我饮），总之呢间嘢奇奇怪怪咁…观塘咁多食肆，应该仲有大把选择。要返桌机会真系微乎其微。