泰潮 (新港中心)

营业中

休息中

适逢免费搭大部分公共交通工具，咁就由新界出市区行下。夜晚，度度都咁多人，又唔想食太贵，就入左新港谂住食Foodcourt。点知真系太多人，见到呢间入面有啲位又冇人等位，就同老公两个入去啦。一谂住行入去，就俾门口点餐位小姐好大声话"要买左嘢食先入座㖞"。咁我同老公就出返黎，但老公已经有啲嬲，叫我入去坐住先，佢去买嘢食。咁我胆战心惊咁好似偷嘢咁入去坐，又俾人喝住"小姐! 你买左嘢食未架?!" 我话我老公买紧呀。佢啤左我一下，好似奈我唔何咁由我坐低。然后一路坐，我都好惊又再有人黎闹我… 好彩老公好返买完返黎 (想同返staff讲，我地真系有买两份嘢食，唔系黎呃你个位坐!!)讲返食物，咁平心而论，食物系唔错。可能系态度太差，到食返嘢时觉得有惊喜。米芝莲海南鸡饭，见到出餐不断出，应该好出名，鸡都唔错，几滑。但个汤定汁，超级咸，但唔掂佢又冇乜所谓嘅。炒金边粉，卖相好靓有个"蛋网"，心机嘢 份量够，味道唔错，系我钟意嘅酸酸甜甜。咁Fair啲讲，喺海港城同新港呢个area，呢个价钱呢个质素算好唔错了 (唔驶加1，因为冇服务)。如果下次Foodcourt 都系冇位，我都会再考虑入黎嘅。