鳳城酒家 (干諾道西) (已結業)

疫情以来, 好耐无同 D 朋友聚旧, 难得呢晚朋友提议近住自己返工地方食饭, 当然第一时间应承, 朋友拣左上环呢间凤城, 而且还一早就选好了 4人套餐, 套餐有 5菜 1点品 ! 首先要讲系呢度既服务态度真系超好, 非常友善细心, 每上一个菜都会话个菜名你知, 而且最好就系差唔多食完一个菜, 佢地先上另一个, 咁就唔会冻哂, 到食完最后一个菜, 用过既碗碟都收好, 佢唔会即刻上埋个甜品, 佢会隔 5分钟以上先埋来问下大家, 甜品可以上得未, 等大家食完有 D 时间休息一下 ! 食物方面, 以咁经济既食物来讲, 无任何既花巧, 卖既系煮功同埋味道, 自己觉得最好食系炸子鸡, 鸡皮好脆, 但依然保持到鸡肉 juicy 好味而唔会又干又, 而另一样系鲍鱼鹅掌, 鲍鱼煮到岩岩好, 咬口非常好而且够味, 鹅掌炆到岩岩好, 唔会太淋有口感又入味, 最后系甜品, 焗西米布甸, 唔会过甜, 够热, 所以要慢慢食,  而且呢份四人餐系绝对够 4个大男人岩岩好, 如果细食 D 既就分分钟要打包走 !