米子燒肉家 (已結業)

呢间烧肉已经系粉岭开左段时间，今日先黎食，重点系好方便，粉岭都终于有烧肉铺啦! 夜晚黎到，叫左放题，可以任食120分钟! 野食种类超多，一开始会有D沙律，海蜇野菜沙律系我首选，冻豆腐都几好。肉类首先系牛十品，有10款口简，有牛腹肉，牛舌，特上牛柳等等。牛舌几有惊喜系佢真系厚切! 另外，个人钟意牛柳，因为真系好嫩滑 ，好好食。猪腩片都好好食，油脂分布均匀。海鲜类比我想像中多选择! 有青口 ，仲有多春鱼等等。鸡腿肉有D仲有调味，用左味噌! 另外，我自己最钟意系蟹膏甲罗烧，入面仲有蟹籽，捞饭食好正! 饭类有米子紫菜饭，樱花虾香葱饭等等，樱花虾个款好香! 而呢到既野饮系任饮，仲有D自家茶饮，有玄米绿茶，洛神花茶，好饮，唔会太甜。住附近既朋友真系要黎试试佢!