影片
更多
2020-12-29
5575 浏览
12月头睇睇下FB见到呢间餐厅的圣诞餐广告,跟住CLICK入去睇,见套餐都几抵.其实呢间餐厅响多年前我都知道有不过就一直都无帮衬过(主要是消费唔平),反正圣诞食好D就去马。不过佢地网站BK极都BK唔到,我就响FB提问,店家和我之后就透过电邮处理订位,过程非常顺利,而店方都好帮手,我讲明我唔识讲英文,怕去到和职员沟通唔到,店方话有店员可以讲广东话,我就好放心BK位了.12点去到,店员先 安排我坐窗边位,但太阳太劲晒到椅子好烫,热到坐唔到, 店员细心就立即问我坐唔坐返入面?除了门口店员是香港人之外,原来入面店员们都是外藉的,但他们没有因为我唔识用英文讲而白鸽眼我,或给面色, 相反是态度好欢容, 我用单词落单及沟通,他们也GET到.这个POINT是要赞的.落单后无耐就上了一碟面包, 食落有些香草蕃茄味, 面包热热的,好吃。跟住原来仲有餐汤,(我都唔知原来包餐汤)充满松露杂菌味道,十分可口.前菜我要了蟹饼,份量都唔细, 一切开入面全部系蟹肉, 鲜味满足, 配埋他他酱,涂在面包上食好正.旁边系酸酸地的菜沙律,开胃.主食是牛扒(全熟), 肉味浓香,煎到刚好 全熟但又唔柴口, 唔会食到成口渣,中间肉
其实呢间餐厅响多年前我都知道有不过就一直都无帮衬过(主要是消费唔平),反正圣诞食好D就去马。
不过佢地网站BK极都BK唔到,我就响FB提问,店家和我之后就透过电邮处理订位,过程非常顺利,而店方都好帮手,我讲明我唔识讲英文,怕去到和职员沟通唔到,店方话有店员可以讲广东话,我就好放心BK位了.
12点去到,店员先 安排我坐窗边位,但太阳太劲晒到椅子好烫,热到坐唔到, 店员细心就立即问我坐唔坐返入面?
除了门口店员是香港人之外,原来入面店员们都是外藉的,但他们没有因为我唔识用英文讲而白鸽眼我,或给面色, 相反是态度好欢容, 我用单词落单及沟通,他们也GET到.这个POINT是要赞的.
落单后无耐就上了一碟面包, 食落有些香草蕃茄味, 面包热热的,好吃。跟住原来仲有餐汤,(我都唔知原来包餐汤)充满松露杂菌味道,十分可口.
前菜我要了蟹饼,份量都唔细, 一切开入面全部系蟹肉, 鲜味满足, 配埋他他酱,涂在面包上食好正.旁边系酸酸地的菜沙律,开胃.
主食是牛扒(全熟), 肉味浓香,煎到刚好 全熟但又唔柴口, 唔会食到成口渣,中间肉位仲有D弹口。 旁边劈糊,食到有红萝卜和南瓜的味道.
跟餐会有杯饮品,而甜品是要加$35,要左呢个圣诞布甸,上面系芒果雪糕,下面啡色的底我唔知点讲,有提子杏仁加D酒味,苦苦地,我自己就唔系太钟意.只系纯粹见识下外国的圣诞甜品系咩黎.
饮完冻野个人都开始震震冻,拿拿声埋单出去晒太阳暖返自己.
张贴
