良鮨壽司

营业中

休息中

食亲野都其实系大埔中心多，好少行出广福道，但之前见到有gp友推荐良心铺头良鳍，所以一直心动想试今日就同埋男友去试，男友早左半个钟到，咁唯有就叫佢系门口等下先，因为其实都未够6点晚市，点知里面既人超好，见佢系度等就俾佢入去坐住先，仲要话可以等我到先开始计时个半钟，未食已经好感up。到我黎到准备叫野食，佢地先好有礼貌咁同我地讲开始计个半钟，我地叫左个海胆海鲜炒饭、炸尤鱼须、仲叫左个时令寿司盛、临尾叫左个2个雪糕鲷鱼烧海胆炒饭真系好好味，海胆真系鲜，每粒饭都真系粒粒分明每啖海鲜饭里面都食到海鲜，呢个真系好惊喜而炸尤鱼须，尤鱼岩岩好唔会太老只系略为咸左少少，但用沙律酱中和返系无问题既而时令寿司盛，主要系鱼既寿司佢有4款每款8件，但我唔记得左系咩鱼但真心系鲜，无怪味无腥味最后最后勒，男友知我实会钟意特登叫俾我系好得意既雪糕鲷鱼烧，开头上台都无咁惊喜到食落口就真系好惊喜，我地叫左一个桃味、一个士多啤梨味桃味同士多啤梨都系正常咁好好味不过最惊喜系士多啤梨味里面系有爆炸糖嫁好得意，成个口感即刻唔同哂好推荐大家食完野就叫返个甜品食。