影片
更多
2017-07-28
853 浏览
等咗好耐，终于都可以约埋另一位爱丽丝发烧友嚟“朝圣”一下。Cafe 要book 位，但唔满座都唔俾walk in （因为同一架电梯上去有靓女walk in 但失败）。一出电梯见到个门面其实已经有少少失望，因为门口只兔先生剪影已经烂咗🤥店员确认book 位然后请我哋坐到收银前面嘅台度坐，明明仲有其他台，然后我哋拣咗另一张柱旁嘅台。环境非常细，只有七至八组台櫈，所以真心系cafe 而唔系餐厅。台同台之间都几迫，主题布置亦都唔系太精致，令到满心欢喜嘅我哋都几失望。食物方面，餐牌有两款，$188 for 1/ $428 for 2。不过佢二人餐就减咗个餐汤，如果唔系会更抵食。二人餐包两款前菜，其实就系沙律。我哋点咗「活生生的花园The Garden of Live Flowers 」同「跟著白兔先生Follow the Rabbit 」，其实就系烟三文鱼沙律同香橘沙律。味道正常啦，个三文鱼沙律几好食，不过份量都大份，食完一盘菜都饱咗3成。叫多咗个小食-「火烈鸟打槌球Flamingo's Croquet」，即系两款味道嘅鸡翼，肉质嫩滑，没有生也没有煮得过熟，赞！主菜可以拣两款，一个饭一系意粉。我
一出电梯见到个门面其实已经有少少失望，因为门口只兔先生剪影已经烂咗🤥店员确认book 位然后请我哋坐到收银前面嘅台度坐，明明仲有其他台，然后我哋拣咗另一张柱旁嘅台。环境非常细，只有七至八组台櫈，所以真心系cafe 而唔系餐厅。台同台之间都几迫，主题布置亦都唔系太精致，令到满心欢喜嘅我哋都几失望。
食物方面，餐牌有两款，$188 for 1/ $428 for 2。
不过佢二人餐就减咗个餐汤，如果唔系会更抵食。
二人餐包两款前菜，其实就系沙律。我哋点咗「活生生的花园The Garden of Live Flowers 」同「跟著白兔先生Follow the Rabbit 」，其实就系烟三文鱼沙律同香橘沙律。味道正常啦，个三文鱼沙律几好食，不过份量都大份，食完一盘菜都饱咗3成。
叫多咗个小食-「火烈鸟打槌球Flamingo's Croquet」，即系两款味道嘅鸡翼，肉质嫩滑，没有生也没有煮得过熟，赞！
主菜可以拣两款，一个饭一系意粉。我哋拣咗「大磨菇下的生活Living under the Mushroom 」同「公爵夫人的宝盒」即系黑松露野菌意粉同牛肝菌蓝青口烩意大利饭。
嗱，个意粉唔知点解炒得好有镬气，即系咁，意粉系唔应该有镬气嘅……不过个烩饭就好好食，出乎意料。😋😋😋
甜品包一款「是日甜品」同「爱丽丝杯子蛋糕」各一，点知蛋糕七点就卖晒，仲要随便俾个石板街雪糕，劲失望。🤧🤧🤧个杯子蛋糕就系美心包装孖宝加糖霜，自己谂咩味。
餐饮包两杯，可以嗌普通咖啡或茶又得，特饮又得。我哋叫咗主角「爱丽丝Alice 」同「独角兽Unicorn 」。大家估吓系咩嚟？忌廉沟鲜奶同玫瑰荔枝梳打。饮品方面我哋一致俾满分，又靓又好饮。
不过提一提，又系只收现金，记得带定钱啊！最后仲要讲个洗手间，成地水，仲要连厕纸架都无。如果佢搬去观塘工厦有几千呎就会回头，如果唔系……88啦。
「活生生的花园The Garden of Live Flowers 」同「跟著白兔先生Follow the Rabbit 」
28 浏览
0 赞好
0 留言
「火烈鸟打槌球Flamingo's Croquet」
19 浏览
0 赞好
0 留言
公爵夫人的宝盒
12 浏览
0 赞好
0 留言
大磨菇下的生活Living under the Mushroom
12 浏览
0 赞好
0 留言
爱丽丝杯子蛋糕
70 浏览
0 赞好
0 留言
张贴
