麻辣娘子 (新都城中心) (已結業)

同朋友去咗将军澳行街，见到呢间麻辣娘子，啱晒我哋呢一班钟意食辣嘅人，所以就决定试吓。餐厅嘅食物种类好多，有辣同埋唔辣嘅选择，仲有甜品同埋阿里山台式饮品🤩，一次过满足晒想饮芝士奶盖同食辣嘅愿望。饮品方面叫咗杯芝士奶盖茉香绿茶，奶盖好绵好厚，个茶底本身唔系好甜，配埋咸咸地嘅芝士奶盖，超级夹，食咗太多辣之后饮一啖，即刻舒服晒😂主菜方面叫咗个脆皮小豆腐同埋麻辣重庆毛血旺，呢两个主菜送饭一流，建议大家可以叫个白饭🤣。脆皮小豆腐嘅脆皮好薄好脆！入面嘅豆腐仲keep到好嫩滑！调味方面都啱啱好，食唔到辣嘅朋友可以试吓叫呢个～麻辣重庆毛血旺入面嘅配料好丰富！啲毛血旺配埋啲麻辣汁一齐食好过瘾😝我钟意呢个𩠌系麻多过辣～唔会话真系食到好辛苦，但系又可以过吓辣嘅口瘾！食完主菜梗系要叫返个甜品！叫咗个黑糖桂花冰粉，食完辣野之后再食呢个感觉好清爽好解辣，个冰粉好爽，加上个汤底唔会话好甜，好适合食完辣野叫嚟食！我哋仲叫咗个红糖糍粑，呢个甜品真心好食！！！强烈推荐大家要叫一个试吓！佢外面个皮好脆，但系入面𠮶糍粑烟烟韧韧，配埋出面个甜甜地嘅红糖，超级好食！钟意烟韧甜品嘅朋友一定要试吓😋😋