Friendmily (已結業)

一行四人订左呢间餐厅，因为网上评价唔错，又见过野食OK，甘就过黎试下啦。呢间餐厅系工厦入面既，唔好以为甘样装修就差..入到去, 装潢都唔错架，唔差过地铺...但系..因为佢楼底真系唔高..再加上爆场..成个环境系爆嘈..好嘈好嘈好嘈好嘈好嘈好嘈好嘈...嘈到连平时讲野都好够中气既我地再要大声D讲野先互相听到大家既内容。最后食完饭大家既喉咙都好攰。食物几好食既，卖相系唔错既。但系可能系太多人同唔够人手既关系，上菜真系好慢..我地叫左个意粉，起码过左半个钟先上黎，第一次吹过炒紧，第二次话焗紧..但上到黎既时候只碟系冻既.....如果..佢地可以改善一下人手不足同过度收客既问题，可能会更加吸引多D客人黎帮衬。