Glasshouse (形點 I)

营业中

休息中

有2位朋友去过元朗Glass House 食晚饭，都推介我食佢地既乳猪腊肠炒饭，见佢哋讲到多七情上面，都令我有所动容，想去试试系咪真系咁好食。如果真系好好食嘅话，又唔系成日食贵野嘅情况下，$350 一碗又有乜所谓，对不对？苦等差唔多30分钟名菜终于上枱，烤至金黄色的外表，配衬着腊肠炒饭加几条青菜，卖相确系唔错，万二分肚饿既我急不及待就要食佢个乳猪，姨，咁鞋既，完全同我思想当中，皮脆肉嫩浓郁脂味的感觉完全唔同，劲似煲完汤嘅肉，十分鞋口。再试下个炒饭，因为炒饭十分油腻加上腊肠太甜，所以除咗第一二啖有香口惹味嘅感觉，第三四啖开始已经十分确喉，需要不断饮水，才能舒缓喉咙的不适感。因为用了$350去点有谁会舍得弃饭走人呢？对不对？几经努力下差唔多食完整碗饭，感觉几受罪的，第一个感觉，名过于实，呢个饭有生之年应该唔会再食第二次。大家唔好中计。又贵又唔好食！写呢篇食评，除咗告戒大家唔好中计之外，都想同大家讲唔好尽信做sales嘅朋友所讲嘅说话。😂唔好太易相信「水怪」😂😂😂 期待可以同大家继续分享食评。谢谢大家宝贵嘅时间。