影片
更多
2022-05-21
1221 浏览
今日我生日，专登陪我个朋友去饮茶ಠ_ಠ 其实我哋之前都已经试过呢间粤，觉得都几好，所以今次谂住可以再嚟encore。 讲真，佢哋食物质素系不容置疑嘅，每一样嘢我都觉得好食。 我哋嗌咗原只鲜虾肠粉（$68）、沙嗲金钱肚($48)、京沪小笼包($58)、香芋天鹅酥($78)，同埋一个羊肚菌花胶灌汤饺($88)！ 虾肠真系好抵赞，佢啲皮好滑，里面啲虾好新鲜好大只，完全系淡淡虾香，又爽！ 金钱肚我略嫌份量偏小，有少少太辣，但系个味道都调校得好好。 小笼包只只都好多汁，而且系热辣辣咁上枱，肉香而不腻。 灌汤饺嘅汤唔系高汤嚟，但系佢个味都好清新，馅料唔多，但系啱我心水。 而佢嘅香芋酥，我觉得外型吸引，好啱小朋友😂我朋友话略嫌有少少淡，但我觉得还好。其实呢个香芋酥系最迟先上枱，但系佢唔系热辣辣㗎，只系暖暖地嘅啫，不过我觉得可以接受。 不过我觉得啲嘢食点好味都好，佢哋嘅态度Service系会影响一切，有待改善！ 首先一入到去，有一个男嘅高级侍应带我哋入去坐低，环境其实好宽敞，但冷气微弱，非常之不足。 唔紧要，唔紧要，心谂心静自然凉😂于是乎我哋就嗌咗上面嘅点心。 上咗四个点心之后，带我哋入嚟嘅高级男侍
其实我哋之前都已经试过呢间粤，觉得都几好，所以今次谂住可以再嚟encore。
讲真，佢哋食物质素系不容置疑嘅，每一样嘢我都觉得好食。
我哋嗌咗
原只鲜虾肠粉（$68）、沙嗲金钱肚($48)、京沪小笼包($58)、香芋天鹅酥($78)，同埋一个羊肚菌花胶灌汤饺($88)！
虾肠真系好抵赞，佢啲皮好滑，里面啲虾好新鲜好大只，完全系淡淡虾香，又爽！
金钱肚我略嫌份量偏小，有少少太辣，但系个味道都调校得好好。
小笼包只只都好多汁，而且系热辣辣咁上枱，肉香而不腻。
灌汤饺嘅汤唔系高汤嚟，但系佢个味都好清新，馅料唔多，但系啱我心水。
而佢嘅香芋酥，我觉得外型吸引，好啱小朋友😂我朋友话略嫌有少少淡，但我觉得还好。其实呢个香芋酥系最迟先上枱，但系佢唔系热辣辣㗎，只系暖暖地嘅啫，不过我觉得可以接受。
不过我觉得啲嘢食点好味都好，佢哋嘅态度Service系会影响一切，有待改善！
首先一入到去，有一个男嘅高级侍应带我哋入去坐低，环境其实好宽敞，但冷气微弱，非常之不足。
唔紧要，唔紧要，心谂心静自然凉😂于是乎我哋就嗌咗上面嘅点心。
上咗四个点心之后，带我哋入嚟嘅高级男侍应就同我哋讲要last order了，问我哋仲有冇嘢要加。我哋当下心里好奇怪，心谂食点心都last order嘅？咁快准备下一轮嘅茶客？不过点解我哋订枱嘅时候冇人同我哋讲可以食几耐，亦冇提及过有任何时限 ？
食完大约我哋只系用咗45分钟(我哋订十一点，十一点准时入座)，十一点四十五分，头先𠮶个高级男侍应就转身摆低咗张单，讲咗一句「埋一埋张单」就走咗，冇俾我哋反应嘅机会。
我真系未试过去茶楼饮茶或者高级酒店饮茶，只系得45分钟？
首先，book枱嘅时候冇讲有时限。
第二，带我哋入嚟嘅时候都冇讲。
第三，我哋未话埋单，就拎咗张单过嚟，叫我哋埋一埋佢。
结果，我朋友就同个经理反映(个经理之前企咗喺度同隔离张枱个男人起码倾咗10分钟，我哋个茶壶冇晒水挥手佢都冇理到)，个经理完全唔识得反应，哑口无言！我哋问佢有冇时限，佢冇出声，净系话我哋可以再坐(如果想嘅话)。我哋直头话佢哋间嘢衰过啲茶餐厅，而且如果佢哋系有时限嘅应该作出明确嘅指引。同个经理讲咗3分钟之后我哋就埋单，点知之前带我哋入嚟嘅高级男侍应就硬生生咁走出嚟认罪(好明显系个经理叫佢过嚟)！
个侍应竟然同我哋讲话应该系佢自己搞错咗(梗系佢自己搞错啦，唔通系我哋搞错咩)，佢以为我哋系冇book枱walk-in摄时间入嚟食一餐𠮶啲客！
其实呢个真系一个奇怪嘅藉口，首先系佢check reception嘅booking带我哋入嚟，而且如果我哋系冇booking摄时间入嚟食𠮶啲客，佢都应该要同我哋讲得45分钟嘅用餐时间。但佢由始至终都冇讲过一句，根本就系讲大话🤥！呢个根本就唔系误会，系佢intention要我哋食完即走，因为外面有人等紧位。
真系未试过谂住舒舒服服饮个茶(茶位$25@每人)，但四十五分钟就要赶人走！杯茶都未饮完🥺
完，呢间嘢下不为例！
张贴
