Potluck Eatery

之前来过呢间餐厅食下午茶觉得很赞，今次同好朋友庆生，来食餐好ge。手摇秘制酱汁海鲜拼盘套餐（$688）餐汤系好浓郁的粟米汤，仲有一粒粒好似薯仔的口感，唔系罐头牌的浓汤，似系自己打拌的粟米，打忌帘而成，好好饮。餐包系蒜蓉多士，啱啱焗起，点粟米汤食好夹。烟三文鱼意大利黑醋沙律，好新鲜的菜同三文鱼，尤其个沙律汁酸酸甜甜好开胃，个沙律好快就被我地食哂了。重点个海鲜拼盘，两大只龙虾，龙虾肉新鲜爽口，两只大虾，两只青口，几只鱿鱼，仲有好多只沙白，海鲜食得出的鲜味，特别一赞系佢个手摇秘制酱汁，甜甜地的蕃茄汁，又加左少少辣味，似Tobasco的辣味，浓度刚刚好，配上好多的薯仔同粟米在底，唔惊唔够饱。甜品可以选芝士饼或者雪糕，我地选左一个蓝莓芝士饼一个开心果雪糕，芝士饼蓝莓味好足，又唔会太甜，至于个开心果雪糕，好浓的烘焙奶香味，好食。