影片
更多
2023-02-15
898 浏览
住系港岛区嘅我，唔好话新界，就算九龙都唔多去🤣今日大长征，入咗去朗屏。 以前有朋友住元朗，加上做嘢嘅关系，都有去过元朗，不过真系一次起两次止。 今日朋友带路去食好嘢 😋喺网络见到哩间餐厅个名好得意，啲食物睇落都唔错，决定去试下！餐厅位置喺内街，唔算难揾，由地铁站大约行5分钟左右就到。因为预先订位，到步后就可以立刻入座。 周末有brunch set，如果想单点可以问职员拎餐牌。 我哋只系叫咗一份餐，单点咗猪手、沙律同小食。 即使唔系叫set，每人都会送一碗餐汤。风干火腿沙律 ($88) 沙律菜上面铺咗火腿同芝士碎，火腿份量好多，唔系一片铺面，有3～4片，好有诚意。 沙律酱亦都好够，每啖都食到沙律酱。美国顶级西冷牛扒 ($158)跟餐进加一份水牛城鸡翼 (3只) ($38) 牛扒配薯条同沙律菜一齐上，牛扒大细约一只手左右大，3个人分，每人都可以食到两件。 落单时，要求5成熟，可惜⋯⋯连少少红色都无⋯⋯😨接近全熟嘅牛扒，肉质好淋，个感觉唔太新鲜。反而薯条炸到好脆，好香口。 水牛城鸡翼都做得好好，热辣辣，同样脆口。脆炸黄金鸡翼 (6只) ($68)睇到食评，好多人赞黄金鸡翼。 当职员系厨房拎出
以前有朋友住元朗，加上做嘢嘅关系，都有去过元朗，不过真系一次起两次止。
今日朋友带路去食好嘢 😋
喺网络见到哩间餐厅个名好得意，啲食物睇落都唔错，决定去试下！
餐厅位置喺内街，唔算难揾，由地铁站大约行5分钟左右就到。
因为预先订位，到步后就可以立刻入座。 周末有brunch set，如果想单点可以问职员拎餐牌。
我哋只系叫咗一份餐，单点咗猪手、沙律同小食。 即使唔系叫set，每人都会送一碗餐汤。
风干火腿沙律 ($88)
沙律菜上面铺咗火腿同芝士碎，火腿份量好多，唔系一片铺面，有3～4片，好有诚意。 沙律酱亦都好够，每啖都食到沙律酱。
美国顶级西冷牛扒 ($158)
跟餐进加一份水牛城鸡翼 (3只) ($38)
牛扒配薯条同沙律菜一齐上，牛扒大细约一只手左右大，3个人分，每人都可以食到两件。
落单时，要求5成熟，可惜⋯⋯连少少红色都无⋯⋯😨
接近全熟嘅牛扒，肉质好淋，个感觉唔太新鲜。
反而薯条炸到好脆，好香口。 水牛城鸡翼都做得好好，热辣辣，同样脆口。
脆炸黄金鸡翼 (6只) ($68)
睇到食评，好多人赞黄金鸡翼。
当职员系厨房拎出嚟𠮶一刻，已经感受到佢嘅魔力，远远就闻到香味。 黄金鸡翼要趁热食，外皮沾满蛋黄，炸到好香脆，真心推荐。
脆炸德国猪手 ($198)
最后，满心期待嘅猪手终于到啦！
猪手同样有薯条同沙律菜伴碟，不过一落刀就出事，猪手好硬，食落仲好干😟
最后个猪手放喺度好耐，都唔系好想再处理佢。
相比之下，好似小食做得较为出色。，不过我谂都无下次啦⋯⋯
张贴
