安平燒肉

营业中

休息中

同闺蜜庆生，佢话想食烧肉，我就介绍佢嚟认识吓安平烧肉。呢间台湾引入嘅烧肉店，除咗有日式烧肉嘅特色之外，食材亦加入咗好多台式嘅元素，所以我觉得比起一般传统日式烧肉店嘅味道更加丰富。朋友生日唔可以失礼，当然要拣个最贵嘅餐，乜都有齐任你点，最紧要系吃到饱！每次我都最钟意佢哋嘅雪柜，饮品常满而且排列整齐，我呢个强迫症每次见到真系好治愈，自我陶醉过后当然要攞返支佢哋自家制嘅桂花乌龙。除咗烧肉，自助区仲有好多蔬菜类可以作烧烤用，翠玉瓜同烧菠萝就系必食之选。呢度仲有樱花虾拌饭，墙上有说明教你建议食法，然后多少随意任你自己调配。食烧肉第一件事当然系烧牛肉啦，我呢个餐可以叫尽所有唔同质素嘅牛肉，总括而言，我觉得澳洲M5和牛同安格斯牛小排系最好食。除咗食材丰富之外，呢个餐仲会包括每人两条严选牛舌芯，闺蜜本身唔食牛舌，但经我劝谏之下佢试咗一啖之后都话好食到不得了。除咗牛肉，仲有一系列海鲜同小食，我就特别推介烤猪肉干同鸡泡鱼干，佐酒一流。除咗烧烤用嘅食材之外，仲有一系列可以即食嘅台湾夜市小吃，我就最钟意梅山酥炸薯同澎湖花枝排。最后每人仲有一份甜品，可以拣哈根达斯雪糕，而我就比较钟意台中仙草冻，充满台式风味。