影片
更多
2010-06-24
186 浏览
当日于覆诊前到此铺头食素, 我同妈咪两人, 大约两时半, 已是下午茶时段.此铺头我们前几日帮衬过一次(几日前), 今次是第二次. 我们点了个肉松炒饭(不太记得全名)强调要走蛋及少油. (本人因医生吩咐一定要少油最好无油)但碟饭来到之后, 发现蛋是走左, 油就......无少不特只, 严格黎讲系多油, 茶餐厅炒出黎都无佢咁油. 平日既我都会算, 但而家身体有事唔食得, 唯有叫个恃应过黎(高高瘦瘦的男恃应, 全店最好服务态度果个, 其他都不值一提)唯有同个男恃应讲明来龙去脉, 明明叫左少油, 佢自己都睇到果碟野的油腻程度, 我同佢解释因为我身体问题所以真系唔食得咁油, 所以麻烦佢炒过碟黎. 最重点系前几日黎食呢个饭又系叫少油, 效果系好好, 好干爽, 明显系少左油, 佢地系做到. 因为前几日食过ok少油我先再食.好好的男恃应就话无问题再同厨房讲清楚d, 跟住就收走碟饭. 我见佢返去水吧前面果张台放底碟饭, 另外有个短发带眼镜的女恃应问佢咩事, 男恃应细细声同佢交代, 佢大大声同个男恃应讲: 无油点炒, 炒饭一定有油, 无酒炒唔到, 你同佢地讲一系唔好叫炒饭. (第一佢听错, 我唔系
此铺头我们前几日帮衬过一次(几日前), 今次是第二次. 我们点了个肉松炒饭(不太记得全名)强调要走蛋及少油. (本人因医生吩咐一定要少油最好无油)
但碟饭来到之后, 发现蛋是走左, 油就......无少不特只, 严格黎讲系多油, 茶餐厅炒出黎都无佢咁油. 平日既我都会算, 但而家身体有事唔食得, 唯有叫个恃应过黎(高高瘦瘦的男恃应, 全店最好服务态度果个, 其他都不值一提)
唯有同个男恃应讲明来龙去脉, 明明叫左少油, 佢自己都睇到果碟野的油腻程度, 我同佢解释因为我身体问题所以真系唔食得咁油, 所以麻烦佢炒过碟黎. 最重点系前几日黎食呢个饭又系叫少油, 效果系好好, 好干爽, 明显系少左油, 佢地系做到. 因为前几日食过ok少油我先再食.
好好的男恃应就话无问题再同厨房讲清楚d, 跟住就收走碟饭. 我见佢返去水吧前面果张台放底碟饭, 另外有个短发带眼镜的女恃应问佢咩事, 男恃应细细声同佢交代, 佢大大声同个男恃应讲: 无油点炒, 炒饭一定有油, 无酒炒唔到, 你同佢地讲一系唔好叫炒饭. (第一佢听错, 我唔系要无油, 系要少油, 就算我要求无油, 你都唔系咁样比说话我听, 佢既大声程度系全店都听到, 因为我已经坐在最远果张台, 呢d就叫到待客之道.)
男恃应再度走埋黎, 态度良好, 建议我地不如唔好要炒饭, 叫过其他饭(系𩠌同饭分开上), 我谂都ok, 咁我就叫左个鲜茄鲜竹饭, 点知再问之下, 之鲜腐竹系要泡油走油, 咁咪一样. 咁我问唔走油得唔得, 佢又话唔得, 因为无咁好食, 我话我唔要好食, 我要求唔走油, 就算出黎唔好食我都唔会怪你地, 佢都系话唔得. 咁我无选择, 都系叫佢再炒过碟饭比我, 少油. 佢话无问题, 会亲自同厨房交带清楚.
过左一段时间.......再有另一碟饭出黎, 一睇心就谂: 你地点做生意架, 咁对待d客人都得既. 新呢一碟仲油过第一碟, 我妈咪话会唔会系水呢, 咁佢就食左一啖, 佢话成口油. 真系唔掂, 再叫果个男恃应来, 我叫佢自己睇睇碟野, 我仲叫佢攞返第一碟黎比较下, 我好有信心系仲油左, 系明显. 佢say晒sorry, 我话我知唔关你事, 你唔洗收返, 呢碟饭我照要, 但你地咁做生意唔多得啰. 结果个饭我地带走, 我阿妈好人好姐都食唔到因为太油.
我觉得最差的事系: 厨房d后镬休息时行出铺面倾计同休息, 仲眼啤啤我地(系多次), 当时得3定4台客, 好易揾到边台累佢地要炒两次饭. 呢d就系恃客之道.
老实讲我上去食系因为见到大大只字以苏杏旋个名做招来, 无形中有了信心, 才上去食, 点知会有咁既待遇........ 素食本来就应该少油少"献", 唔少都算, 为商之道都系要迎合大众的口味先有生意, 是理解, 但当客人强烈要求少油或唔走油都唔得, 呢d真系唔知点解. 仲要玩野炒碟仲油少既出黎.
本来唔谂住发表所以无影相, 但而家无意中睇到openrice都有讲呢间铺, 其他的食平都系油腻同服务差, 所以又想同大家share下............睇黎苏老板系时间正视上述的问题.......
碟炒饭的下场系.........夜晚我地用平底镬无用油, 再加一碗大白饭落去炒埋一齐, 先叫可以接受, 我d屋企人食埋佢, 唔好浪费嘛!
张贴