京笹居酒屋

营业中

休息中

我第一次写食评，我真系唔知点比分呢间餐厅清明节假期，预左会多人，但冇谂过要等咁～耐野食系好食既，不过佢地生意太好，食客太多，等叫野食，等野食上枱，等埋单，等等等落完单， d 野食都出得慢，但系唔算太～慢，都系可接受范围内。我地食完第一轮，再加单，只系加左 1 样野，结果等左40分钟都未黎！ 我地开头都乖乖地等，等左20分钟唔对路，催单催左 2 次都未黎！好彩店员好好，佢地都知我地等左好耐，佢地都觉得唔好意思。 我叫取消同埋单，佢地都帮我取消左。不过等埋单又要等多15分钟！拎张单黎埋单，拎左5分钟，拎张卡去比钱，再拎返黎又10分钟。喺餐厅既2个钟，有一半时间系等。想赞一赞店员，好好礼貌，咁忙都冇话会发脾气。下次如果可以的话，会平日再去一次，会比多次机会佢既。会建议带多两个朋友一齐去，倾下计打发下时间可能就唔觉等左咁耐既。