泰發泰國餐廳

营业中

休息中

朋友带路食泰菜，食物好味，但服务一般。招牌泰式烧牛肉 $118份量都几多，成座烧牛肉山，要赞一下厨师，真系烧得好好，肉嫩多汁唔会熟哂，仲有阵烧烤香味保留牛肉上，配泰式酱汁，酸甜带辣唔会腻，越食越停唔到口。泰式拼盘 $118有齐5款小食，亦可以叫2款，价钱更实惠。我们想一次食齐多款小食，特别想食虾胶皮蛋，弹牙虾肉包著浓郁味道的皮蛋，原来夹到仲好食。炸鱼饼细细粒，都好香口惹味，而且有泰式香料味。串烧有猪肉同鸡肉，鸡肉充满弹性都好多汁，但猪肉太干硬，幸好个酱都几香。炸虾饼啖啖肉好厚身，有虾味且爽弹口感，外皮金黄酥脆。春卷亦同样炸得脆卜卜，仲系松脆的口感，馅料唔太多，但有猪肉碎好惹味。冬阴公(S) $68冬阴公汤每人有碗几，够酸同辣，仲有好香的泰式香料味，香茅味令人更清爽，而且材料丰富，有大量菇好有咬感，仲有2只大虾，肉质结实爽弹，味道好好。泰式炒金边粉 $55卖相一般，但调味刚好，炒得爽口唔会糊，虽然无整蛋花网来包饭，但蛋丝份量都够，反而口感丰富左。如果配料的花生碎.....多返点就会更香口。