影片
更多
2020-10-29
836 浏览
呢间餐厅最近系荔枝角区好红, 于是我地今晚又去凑下热闹。差不多6点到, 餐厅规定要落左ORDER先可以入坐, 我地系门口望左一阵餐牌, 老公话奇怪, OPENRICE 食评话佢地有卖威灵顿牛柳但点解MENU见唔到, 于是就问个收银员, 收银员话要6点后先供应, 由于佢地话一定要买左野食先可以就坐, 所以我地问佢可唔可以早少少嗌(当时系5:55pm), 佢话唔可以。首先规定系死人系生既, 唔比我地早5分钟嗌都算, 当时餐厅入面只有好少客人, 酌情提议比我地入去坐下都得卦, 重点系个店员由头到尾个态度都系非常冷淡(如果可以我想讲直头系无礼貌)。既然佢地完全无意识自己顾客服务方面既问题, 我地都要为自己尽量争取, 因为佢地既规定实在太不近人情。我地问佢:我地可否入去坐住等。收银员话:坐啰。语气唔好都算, 仲要补多句, 一阵记住出黎嗌野食。🤨究竟有咩驱使到你地认为你地餐厅有咁好坐, 舒服到客人只系念住斋坐唔买野食!讲真如果佢地最后真系要我地系餐厅门口干企, 食物几好食都无用, 客人对餐厅既评价系整体的。我地叫左西式2人餐 - 一人威灵顿牛柳配蜜椒汁, 鳗鱼海胆炒饭加炖汤。2人餐包饮品, 堂食可
差不多6点到, 餐厅规定要落左ORDER先可以入坐, 我地系门口望左一阵餐牌, 老公话奇怪, OPENRICE 食评话佢地有卖威灵顿牛柳但点解MENU见唔到, 于是就问个收银员, 收银员话要6点后先供应, 由于佢地话一定要买左野食先可以就坐, 所以我地问佢可唔可以早少少嗌(当时系5:55pm), 佢话唔可以。首先规定系死人系生既, 唔比我地早5分钟嗌都算, 当时餐厅入面只有好少客人, 酌情提议比我地入去坐下都得卦, 重点系个店员由头到尾个态度都系非常冷淡(如果可以我想讲直头系无礼貌)。既然佢地完全无意识自己顾客服务方面既问题, 我地都要为自己尽量争取, 因为佢地既规定实在太不近人情。我地问佢:我地可否入去坐住等。收银员话:坐啰。语气唔好都算, 仲要补多句, 一阵记住出黎嗌野食。🤨究竟有咩驱使到你地认为你地餐厅有咁好坐, 舒服到客人只系念住斋坐唔买野食!讲真如果佢地最后真系要我地系餐厅门口干企, 食物几好食都无用, 客人对餐厅既评价系整体的。
我地叫左西式2人餐 - 一人威灵顿牛柳配蜜椒汁, 鳗鱼海胆炒饭加炖汤。2人餐包饮品, 堂食可以拣大支装玻璃樽可乐。炖汤 - 应该系花胶鱼肚螺头猪肉炖汤, 清甜足料好饮。
炖汤
20 浏览
0 赞好
0 留言
鳗鱼海胆炒饭 - 炒饭粒粒都充满鳗鱼汁既香味, 饭也炒得软硬适中, 有淡淡既海胆味道, 鳗鱼肉质嫰滑, 鱼骨唔明显, 经平时唔食鱼既老公认证无腥味。重点系除左相片所见放左一条鳗鱼系炒饭面之外, 炒饭入面都混入左切粒既鳗鱼, 非常足料有惊喜。
鳗鱼海胆炒饭
44 浏览
0 赞好
0 留言
一人威灵顿牛柳配蜜椒汁 - 从相片都可以睇到, 酥皮焗得唔够金黄色, 牛肉煮到全熟。不过食落又OK㖞, 甚至觉得佢整得好味过前排系千禧新世界香港酒店食既。牛肉无骚味虽然全熟但都唔韧。酥皮有🧈牛油香都有轻微既酥脆口感, 当然如果酥皮可以焗到金黄色肯定会更好味。但佢地个蜜椒汁味道就好怪, 太过甜又非常重姜味, 建议配返普通既烧汁就好。同埋我会觉得呢道菜应该叫港式酥皮牛柳, 感觉餐厅系用香港家常菜既方法去处理牛肉然后加块酥皮。
一人威灵顿牛柳配蜜椒汁
57 浏览
0 赞好
0 留言
一人威灵顿牛柳配蜜椒汁
66 浏览
0 赞好
0 留言
友利冰室 x 勿当奴食物质素不错, 价钱合理, 份量充足, 以后到荔枝角区食饭又多个选择, 希望餐厅不要忽略对客人的服务态度。
张贴
