米気

营业中

休息中

本身想食火夫，但要等好耐。 天气太热唔想等，唯有拣第二间食。米气都要等位，好彩等咗5分钟就有位。餐牌有多款自选：饭、主食、冷盘、热盘等，每款不同价钱。选了紫菜饭$17、茶碗蒸$28、牛肉寿喜烧$48、忌廉蟹肉薯饼$26。紫菜饭甜甜地，个人唔太钟意，觉得怪怪地，早知拣白饭好过。茶碗蒸够热，味道ok，系多水咗啲啲，呢个价钱唔太值。牛肉寿喜烧甜甜地，肉份量都ok，系呢一餐最好嘅一道菜。忌廉蟹肉薯饼就麻麻，有浸类似青葱定芫荽味，未必人人钟意。味道同平时嘅有啲唔同。另一份选了紫菜饭$17、红酒汁煮牛肋条$48、鲑鱼白雪山药$24、盐烧牛舌$36。红酒汁煮牛肋条够腍，但味道都算正常。鲑鱼白雪山药一pat pat无咩味，盐烧牛舌烧到又干又硬，有啲失望。呢度食物质数麻麻，两个餐正常都大约$250以上，午餐嚟讲性价比低。呢个价钱一系食平啲：茶记/米线/牛肉𠮶啲饭仲好。一系比多啲啲食日本菜。