巴蜀軒豬扒酸辣米線

营业中

休息中

用左openrice咁耐都未写过食评，呢一间巴蜀轩真系唔写唔得。我系晏昼十一点半未够入到去，里面只有四张四至六人枱同一张可以坐两个人嘅小折枱。见当时其中一张四至六人枱已经有四个人坐咗喺度，铺里面嘅人又唔理我 我咪自己坐低咗享晌其中一张四至六人枱度啦，反正都唔多人。 坐低咗又无人比餐牌我，心谂好多茶记都系咁， 见幅墙上面都印咗menu，睇完我就大大声落order，叫咗鸡扒麻辣四川粉，食物冇乜特别唔系难食，系值40蚊嘅。跟住再有另外三个女仔入咗嚟，唔知点解成间餐厅都冇人， 餐厅职员硬系要三个女仔坐喺我张枱𠮶度。 点知三条女又极度嘈吵 ，咁我就问佢哋我可唔可以坐其他枱啦。结果系有人"黑著面"咁话畀我知你都系一个人，佢哋三个人， 坐返喺度啦唔好行嚟行去换来换去啦。"我11:24坐低，而家12:01都食完仲打紧食评，咁早食都系谂住唔同人迫， 亦都冇谂过阻住你张枱阻住你做生意啰。我从来都未试过晌呢啲非繁忙、拍乌蝇时段遇到咁嘅态度。食物质素不能抵销非常恶劣服务态度，以后我会黑名单佢。