杏甜品 (香檳大廈) (已結業)

星期六同老公去完买野之后，又到下午茶口痕时间，拉左佢一齐去食甜品甜一甜。我好贪心，叫左3款share黎食。猫山王榴梿爽冰老公唔食榴梿，所以我可以一个人独享。榴梿真材实料，绵滑香甜，个冰都够绵，唔需要咬冰粒，而且榴梿味好出，好好食又透心凉。芒果奶昔双皮奶有三个层次，最面个层系清甜既芒果，跟住系芒果冰，最低个层系双皮奶。双皮奶好滑，有奶味，仲有种食豆腐花既感觉，正呀。红豆咖啡雪糕咖啡雪糕好咖啡，口感偏冰感，仲有花奶俾你自己落，第一次食呢种配搭，几新鲜。