小方糖甜品 (龍崗道)

营业中

休息中

虽然食到好饱，但既然黎到九龙城，朋友请咗我食生日饭，我又礼尚往来，请返佢地食甜品啦。其实九龙城甜品铺都系多的是，都无话指定食边间，只系念住一路行，见到吸引嘅就入去。「小方糖甜品」入到去啱啱好有张4人枱，行慢一步就要等位 lu 。黄金拿破仑 $38拿破仑卖相吸引，而且有成三条，老板好大方，实在太抵~ 足够一齐分享。切落去「咔嚓」一声，酥皮非常松脆，配上面层鲜忌廉、芒果同芒果酱，真系一试难忘，如果入面加埋吉士酱就好喇~蛋白杏仁霜 $30美颜甜品好大碗，差啲满到泻，杏仁味浓郁，但唔算幼滑。芒果乐园 $33鲜甜嘅芒果配上西米同口感烟靭嘅小丸子再加上冰冻嘅芒果雪糕，正~芒果班戟 $30皮薄入面芒果好大粒，仲好甜。