影片
更多
2010-04-16
26 浏览
14-4-2010约朋友食 dinner, 想平平哋搞得掂, 喺尖沙咀却谂极都谂唔到去边, 不如去佐敦碰运气吧. 8:xx pm 路经呢间小笼包店, 几有兴趣, 又试试.2 人叫了 4 款小食, 3 款包 / 饺类, 及 2 客甜品 share 食, 每人食了约 $90 味道又不错, 印象 ok 的:-卤水蛋: 卖相样衰到呢 , 卤水亦唔算好香, 不过鸭蛋 (?) 蛋味好浓, 仲有一两只蛋黄系溏心的, 带点甜, 算佢啦.镇江肴肉: 瘦肉 vs「啫喱」比例约 2:1,「啫喱」几鲜甜, 瘦肉咸度刚好又几松化, 都几好食; 不过镇江醋就酸而不香, 唔蘸好过.蒜泥白肉: 白肉薄切, 好瘦又好嚡口, 仲好似食到软骨? 下面的粉皮好厚, 又唔滑口, 麻麻哋; 蒜泥酱油就好够味, 酱油带甜, 生蒜就劲多, 食完个口好臭, 啱晒我. 醉鸡: 几多骨, 不过鸡皮爽滑, 鸡肉够嫩, 酒香够, 虽然我觉得甜一点会好食好多, 但至少无苦涩味, 其实都无乜嘢可以挑剔了 -- 除非你追求好浓鸡味吧! 2 笼 4 只小笼包: 唔「小」, 卖相扁挞挞的 顶部粉较多, 但无硬实的情况出现, 底部
约朋友食 dinner, 想平平哋搞得掂, 喺尖沙咀却谂极都谂唔到去边, 不如去佐敦碰运气吧. 8:xx pm 路经呢间小笼包店, 几有兴趣, 又试试.
2 人叫了 4 款小食, 3 款包 / 饺类, 及 2 客甜品 share 食, 每人食了约 $90 味道又不错, 印象 ok 的:-
卤水蛋: 卖相样衰到呢 , 卤水亦唔算好香, 不过鸭蛋 (?) 蛋味好浓, 仲有一两只蛋黄系溏心的, 带点甜, 算佢啦.
镇江肴肉: 瘦肉 vs「啫喱」比例约 2:1,「啫喱」几鲜甜, 瘦肉咸度刚好又几松化, 都几好食; 不过镇江醋就酸而不香, 唔蘸好过.
蒜泥白肉: 白肉薄切, 好瘦又好嚡口, 仲好似食到软骨? 下面的粉皮好厚, 又唔滑口, 麻麻哋; 蒜泥酱油就好够味, 酱油带甜, 生蒜就劲多, 食完个口好臭, 啱晒我.
醉鸡: 几多骨, 不过鸡皮爽滑, 鸡肉够嫩, 酒香够, 虽然我觉得甜一点会好食好多, 但至少无苦涩味, 其实都无乜嘢可以挑剔了 -- 除非你追求好浓鸡味吧!
2 笼 4 只小笼包: 唔「小」, 卖相扁挞挞的 顶部粉较多, 但无硬实的情况出现, 底部的皮薄但唔易烂, 加埋入面劲多够热的汤汁, 及几鲜甜的猪肉馅, 好食㖞 虽然同意朋友话「沪江好食 d」(即系呢度: http://www.openrice.com/restaurant/commentdetail.htm?commentid=1910561; 虽然佢去的系铜记分店) 因为 d 馅「香 d」, 但呢度 4 只只卖 $24 有咁好质素, 值得试试的.
蒸银丝卷: 系真正的银丝卷, d 丝多到呢 食落质地软熟, 少少甜, 带面粉香, 正!
素菜饺: 以为系「花素饺」所以 order 了一笼, 但原来系饺皮厚厚又湿湿湿, 馅料 (冬菇, 磨菇, 仲好似有笋...) 又「浆糊」都乜的两只嘢, 感觉似制作失败的潮州粉果, thumbs down!
高力豆沙 (一客 2 件): 糖粒系粉红色 豆沙馅香甜又够滑, 不过蛋白外层几厚又异常实净, 搞乜鬼?
酒酿丸子:「汤底」够甜, 带少少桂花香, 酒味够, 无酸涩味, 丸子亦够烟韧, 还不错.
食物算不错, 卫生就认真麻麻, 成餐饭两只小昆虫不断 "flirt", 喺我哋 d 嘢食上空飞来飞去 , 招呼亦「茶记」得很, 食完还是快闪好了.
埋单每人约 $90, 唔贵, 喺呢头都都值得一试的.
张贴
