牛More石燒專門店 (已結業)

最近元朗开左间专食牛既餐厅，食肉兽既我当然要去试一试。一入到门口好日式既感觉，自助点餐非常方便，八达通信用卡俾钱都得。餐厅位置唔算多，但每个人既位置都好够。每一份餐既汤，饭同沙律都系自助式既，仲要系任食，食几多拎几多唔好浪费。沙律既菜好新鲜，所以香甜可口，加上日式芝麻酱好开胃，我都食左2碗。而汤都系用牛肉去煮既，加咗啲洋葱红萝卜，好浓味好香！牛呢我就点左一份牛小排加鹅肝同一份肉眼，牛小排比较有牛香，肥肉唔多，加上牛肉汁一齐食，令人停唔到口。而肉眼男士一定好喜欢，大大份，肥瘦适中，牛既油香十足，超级有满足感！