肉搏食堂 (已結業)

禁晚市堂食之后 都好少去餐厅食饭 今日就特登喺五点左右 入去一间餐厅 坐低食个早少少嘅晚餐😮餐厅喺尖沙咀厚福街 周围都喺餐厅 最后俾呢间食日式丼饭嘅餐厅吸引咗 餐厅呢段临收工嘅时间冇乜人帮衬 计埋我地呢台 同时段得两台😂餐汤 面豉汤餐汤非常咸 比较重菇嘅味道 有啲太重口味😕吞拿鱼腩蓉配三文鱼子丼吞拿鱼腩蓉份量几多 加上鱼蓉剁得几蓉 食落都唔错🐟 可惜三文鱼子比较细粒 就咁食都唔系好食得出佢嘅鱼油 捞埋饭食就更加冇三文鱼油香 整体食落变咗吞拿鱼腩蓉丼 略嫌少咗个层次😅慢煮顶级牛肉盛丼果然系慢煮牛肉 牛肉食落仲好嫩滑🐮 咬落口唔会太生同太韧 牛肉味都有嘅 饭嘅酱汁系日式照烧汁 照烧汁比较甜 唔系好啱我嘅口味 至于𠮶嚿白色嘅cream 个人系不予置评 因为我用嚟点牛肉之后觉得唔系好夹 我唔系好识欣赏🤣冻即磨咖啡咖啡嘅糖水可以分开上 咁就可以随自己口味调校甜度啦😗整体嚟讲 食材质素唔差 特别欣赏佢嘅慢煮牛肉 可惜整体嚟讲就唔系好配合到个丼嘅味道 可能喺个食材配搭上要谂谂😮