蠔站 (荃新天地)

营业中

休息中

Oyster Station顾名思义就系食生蚝架啦,所以今次我地黎到首先就系叫左一打生蚝先,咁叫左之后我地系要出去拣生蚝既,侍应都会问得我地好详细,会问我地钟意咩口味既生蚝,然后就再推荐边一款生蚝俾我地,咁我地就拣左美国,韩国,澳洲,法国,佢都推荐我地跟住呢个次序去食蚝,咁我自己就最钟意韩国蚝,因为口感比较清爽,另外我地仲叫左美国USDA顶级肉眼扒,南美海鲜薄饼同墨汁鱿鱼烩意大利饭。薄饼系薄饼底,海鲜食得出系急冻既,但都无雪味既,而意大利饭就好好食,因为好重蒜蓉味同埋墨汁。总括黎讲就最推荐生蚝同埋意大利饭,必食。