Cafe 2 Oyster n Grill

营业中

休息中

去咗东欧旅行11日，鸡扒、猪扒、鳟鱼扒全部鞋sap sap ，无啖好食 。啱啱番到嚟香港，真系要食番好d。少爷👨话要食生蚝，我就想锯扒，就谂起呢间食肆。因为之前曾经食过，味道好好，于是决定再帮衬。因为留意到有生蚝优惠，$22两只即开生蚝(售完即止)，于是老婆一早book定枱，时间系6:30pm，一去到完全唔洗等就可以安排入座，老婆真醒首先梗系order两打生蚝先啦，呢期系Fine de Claire，虽然味道有少少咸，但系够晒肥美，于是再追加一打，认真抵食，跟住就轮到main course，上次幚衬食咗40~45oz澳洲斧头扒，所以今次就order45~50oz美国斧头扒，medium熟，火候啱啱好，扒面烧得够香，兼直有少少脆，里面仲有肉汁，绝对唔系干真真、鞋sap sap，劲like主食另外再加多碟黑松露大磨菰手卷粉，香喷喷，味道亦唔错。最后以特惠价食埋甜品朱古力熔岩配云尼拿雪糕，朱古力熔岩唔系太甜，啱晒我地，难怪系店宝之一。