影片
更多
2014-02-01
5301 浏览
America Restaurant美利坚系我屋企人喜欢大时大节食饭嘅聚脚地方，因为呢度充满几代人嘅回忆，因为呢度有籍民地情怀、异地色彩，因为呢度有实而不华嘅美食，因为呢度有熟悉嘅面孔、一枱一椅。记得细细个就跟著屋企人去美利坚食北京填鸭、童子鸡、山东手撕鸡等多不胜数嘅美食，从已故外婆口中得知原来我家长辈已经喺大概四十多年前帮趁美利坚，由公公婆婆、妈妈姨姨舅舅、我和表弟妹、到依家大家嘅小朋友，足足四代都有幸能到美利坚在不同时代吃著同一样的味道。 听闻以前英籍民地时候有好多外来军舰停泊喺添马舰，令到湾仔一带都有水兵、外藉人士聚集，估计可能也因如此令卖京菜嘅酒楼都改咗个「洋名」 美利坚 American Restaurant，时至今日周不时会见到大批外籍人士光顾。 酒楼布置摆设都与外国唐人街上中式餐厅相似；至于餐牌更加系中英对照。 食物菜式既保存传统京菜特色，亦能照顾外籍人士喜好，煎炸款式颇多，宫保虾球、京葱爆羊肉等都会用铁板上， 店员会先放烧红铁板喺餐桌上，然后淋上宫保汁、京葱羊肉，顿时发出吱吱啫啫声蒸气冒出，客人都被此「表演」吸引、拍掌欢呼，非常热闹。 食物味道十年如一日，这令不少已移民
记得细细个就跟著屋企人去美利坚食北京填鸭、童子鸡、山东手撕鸡等多不胜数嘅美食，从已故外婆口中得知原来我家长辈已经喺大概四十多年前帮趁美利坚，由公公婆婆、妈妈姨姨舅舅、我和表弟妹、到依家大家嘅小朋友，足足四代都有幸能到美利坚在不同时代吃著同一样的味道。 听闻以前英籍民地时候有好多外来军舰停泊喺添马舰，令到湾仔一带都有水兵、外藉人士聚集，估计可能也因如此令卖京菜嘅酒楼都改咗个「洋名」 美利坚 American Restaurant，时至今日周不时会见到大批外籍人士光顾。 酒楼布置摆设都与外国唐人街上中式餐厅相似；至于餐牌更加系中英对照。 食物菜式既保存传统京菜特色，亦能照顾外籍人士喜好，煎炸款式颇多，宫保虾球、京葱爆羊肉等都会用铁板上， 店员会先放烧红铁板喺餐桌上，然后淋上宫保汁、京葱羊肉，顿时发出吱吱啫啫声蒸气冒出，客人都被此「表演」吸引、拍掌欢呼，非常热闹。 食物味道十年如一日，这令不少已移民嘅Funs每次回港必定去回味一返。 另外，大部份店员都系效力多年嘅老店员，每次见到他们都份外亲切。
难得海外家人回港渡岁，各人都举脚赞成去老地方团年，难得大时大节除套餐外亦可散叫，由于团年套餐已包括大部份想叫嘅菜式，所以好快决定叫套餐！
趁未上菜，可以食吓枱上面嘅泡菜、腌青瓜、花生，全部系自家腌制，非常醒胃。
四喜大冷盘: 好大堆头，赏心悦目。 有醉鸡、酱蹄、熏素鹅、海哲。 每样都好好味，尤其最爱嘅熏素鹅，腐皮充满烟熏香味，里面材料丰富又爽口清新。 至于酱蹄肥瘦适中，上面淋上特制蒜蓉酱汁非常惹味。
铁板宫爆虾球: 声、色、味俱存。铁板烧红有大大只虾球，上桌时淋上酱汁，因为蒸发而产生声音; 鲜艳橙红色酸甜味较重嘅宫保汁，唔太辣老幼咸宜; 虽然系急冻虾球，但肉质唔错既弹牙又有虾味，表面薄薄炸粉索满酱汁入晒味。
芙蓉三鲜: 豪华版赛旁蟹，非常丰富有虾、鱼、瑶柱、鲍片、带子等， 蛋白炒得好香滑，刚好包住所有材料，最啱小朋友食。
发财好市金钱: 团年新春必备意头菜式，上面有炆得入味蚝豉、旁边圆渌渌金钱系自整虾丸; 里面有好多炸过嘅蒜子、索晒汁嘅发菜、猪脷，仲有生菜垫底。
砂锅云呑炖鸡: 大砂煲成个盘咁大，内有一整只鲜鸡，金华火腿片，十二粒大云呑好似水饺咁大只猪肉混有虾粒，仲有小堂菜， 鸡汤非常鲜甜，一煲足可分十五碗汤。
烤北京填鸭: 填鸭系京菜主角，鸭好健美无过多肥膏但略嫌鸭胸位置紧紧熟带粉红色， 包填鸭用嘅薄饼皮做得出色，极之柔软充满面粉香味，净食都好好味。
瑶柱扒豆苗: 瑶柱份量好多，啖啖都系瑶柱肉，豆苗脆绿嫩口。
葱油饼: 由于系姨姨至爱，所以加叫一客共两件。 外皮松化里面葱粒颇多全部熟透多汁。
四季平安饺子: 素饺子内有菜、粉丝、豆干，全部㧻得幼细食落有汁，饺子皮搓得柔韧十足，加埋醋一齐食，一啲都唔漏。
贺年合时甜品: 高力豆沙为晚饭作完美句号，蛋白外面炸得香口，入面软滑包住香浓豆沙， 洒上沙糖更添甜美。
张贴
