十二味 (裕民坊YM²)

营业中

休息中

今日同朋友行开嚟观塘裕民坊，因为呢度系新开嘅，咁就兜咗个框，见到啲嘢铺头都系新的见到呢间十二味，系食川菜咁我哋就试下啦，其实呢间嘢之前都试过嘅，不过朋友未试过咁就带佢嚟试下， 我哋叫咗以下:川香回锅肉: 呢个回锅肉我觉得都唔错，因为啲猪肉系半肥瘦，所以我觉得几有咬口而且我只系叫咗小辣，所以食落都唔算系真系太辣，如果钟意食肥猪肉嘅人可以一试。极品麻婆豆腐： 呢个麻婆豆腐要赞嘅就系去豆腐都几滑，本人筷子技术不太好一夹就散所以要用匙羹辅助。 而我叫咗小辣但今次辣嘅程度唔系小辣嘅程度，我自己都觉得几辣，呢个麻婆豆腐自己就叫多碗饭送呢个豆腐，所以如果你食得辣嘅话，可以试下。虽然今次冇叫酸菜鱼，但系我觉得钟意食辣嘅朋友可以一试。