Bostonian Seafood & Grill (已結業)

餐廳走暗黑高貴路線，餐廳好寧靜可以放鬆開懷暢飲。個人覺得光線有點暗令人昏昏欲睡和想快啲走。睇過餐牌價錢都唔平，同埋我哋之前喺酒店都食到好飽所以都淨係用咗四百零蚊，叫咗六隻生蠔一疊少蔬菜，另外佢附送嘅兩舊麵包。麵包口感就略為硬，感覺係酸種麵包，我就覺得大為失望因為我心目中好食嘅麵包係外脆內軟。生蠔六隻，分別來自三個國家。法國紐西蘭同埋好似係愛爾蘭，口感有creamy的、有海水味重的亦有品種大個啲嘅。生蠔好新鮮！對於少食生蠔嘅我來講非常容易入口，就算唔使用配料加汁都OK。Grilled seasonal baby vegetables細細個蔬菜BB還可以，但略為鹹，如果落少啲鹽就會令到個鮮甜味帶出嚟。總結，我個評級就係呢間餐廳食過一次我就唔會再食。