Nathanhouse (已結業)

因为都食过几次，每次食嘅菜式都唔同，相系分开几次影嘅。 先讲下呢度嘅牛扒，真系好好食，基本上每次都食，三成熟，唔会有血水流岀嚟，rest嘅时间足够，又唔会干。牛扒仲有炭火烧过嘅香气，呢个价位嘅餐厅可以算得上超值。 蚝都系基本上每次食，岀色嘅系佢哋自己调配嘅汁，其中一个青瓜做嘅酱配搭生蚝非常精彩！！ Bouillabaisse 呢个真系比个大厨吓亲，我本身就系鱼汤迷，呢个有鱼大虾红虾蟹青口蚬嘅汤，真系超级大满足！！ 亦有细版龙虾汤，写食评嘅时候都流紧口水。。。 牛肉他他就食得多，虾他他就第一次食，好香非常鲜甜，配搭沙律菜，口感丰富，如果唔系要留返比其他人食，呢碟我可以清咗佢！！ 椰香冬荫功钻石蚬 我系唔太钟意食冬荫功嘅，但系呢个汤椰汁味比较突出，冬荫功只系衬托，非常惹味，蚬肉熟度完美，粒粒饱满，鲜甜。 薰衣草奶冻配士多啤梨沙冰 甜品方面我就好随便，有又得，冇又得。所以冇乜影过甜品。不过呢个真系唔系度度都食到嘅味道，特别之余亦要称赞大厨嘅心思。