鮪世市場 (鴻威大廈) (已結業)

今晚一行6人订咗位，被通知店舖最多只有四人枱，安排咗前后两张俾我哋坐～坐低咗之后有个毫无笑容嘅女店员行过嚟叫我哋分开两张枱各自落单，佢哋系用手机落单嘅，但因为佢地App设定问题，两次都显示佢哋食物售罄，落唔到单，职员行埋嚟一句唔好意思都冇，仲用命令口吻我哋之后落单要分枱落，但佢个App将我哋两张枱嘅单连埋咗一齐，我哋都好有礼貌同佢讲唔该，但系佢都系黑口黑面😂上菜𠮶阵师傅好好咁将我哋啲寿司分咗两碟For两张枱，佢明明见到我哋其中一张枱放咗一啲私人嘢喺度，佢仲要死都将啲嘢食放喺同一张枱，甚至听到我哋话将𠮶啲拎去隔篱枱佢都扮听唔到转身走咗 😂直至食到一半厨房有一个比较好礼貌有笑容嘅女店员出嚟之后，个黑口黑面女店员先叫做识行过嚟主动收碟同加水 （ 之前同事未出嚟𠮶阵间舖得我哋一台客都冇招呼过我哋） 唔知佢系扮嘢定系太攰啦 入嚟𠮶阵已经冇打招呼 仲要连埋单到走𠮶阵多谢拜拜都唔识讲 后尾睇OpenRice先知之前都有人评论过呢间嘢个店员态度差 要收加一仲咁既态度 无下次了👎🏻👎🏻