影片
更多
2013-05-07
131 浏览
Honey 成日好奇想知佢去返学唔同我食晚饭, 我又唔返屋企食阿妈饭嘅时间究竟去咗边度开餐?? 我成日都'懒神秘'话: , 其实我系想佢睇番我响Openrice呢度写食评, 咁咪知我去食咩啰, 兔得未去就'哦'我....: 嘻嘻...今晚我就"自由万岁" 同'抽起条筋' 要食饺子, 去咗呢度! 。。。我其中一间心爱的饺子店!以前脚步密啲, 近年少咗嚟, 但始终隔一排就会自动'蒲头'食番次至安乐的店舖系土瓜湾'巧兴', 细个成日觉得呢区呢度附近几条街名好特别, 江西街、山西街、浙江街、安徽街呀咁, 所以好有印象! 而巧兴, 十年如一日, 次次嚟都咁好食, 一次失手都无, 价钱大家街坊又负担得起, 所以系好多人嘅饭堂之一. 我本来谂住叫十只饺子当晚餐, 五只煮的, 五只煎的, 但一坐低又改变主意喇...听到左右隔离叫面, 我就即刻想叫, 我都真系心多多! 成日都系咁!!!!!!! 终于谂定, 柯打咗'北京炸酱面' $21, 半份牛肉煎饺$17, (饺子其实叫全份抵好多, 28蚊就搞掂, 但我唔贪心喇, 费事又加磅啦~~) 今晚腊八醋无问佢攞, 因为我唔食佢粒蒜头, 无H
以前脚步密啲, 近年少咗嚟, 但始终隔一排就会自动'蒲头'食番次至安乐的店舖系土瓜湾'巧兴', 细个成日觉得呢区呢度附近几条街名好特别, 江西街、山西街、浙江街、安徽街呀咁, 所以好有印象! 而巧兴, 十年如一日, 次次嚟都咁好食, 一次失手都无, 价钱大家街坊又负担得起, 所以系好多人嘅饭堂之一. 我本来谂住叫十只饺子当晚餐, 五只煮的, 五只煎的, 但一坐低又改变主意喇...听到左右隔离叫面, 我就即刻想叫, 我都真系心多多! 成日都系咁!!!!!!! 终于谂定, 柯打咗'北京炸酱面' $21, 半份牛肉煎饺$17, (饺子其实叫全份抵好多, 28蚊就搞掂, 但我唔贪心喇, 费事又加磅啦~~) 今晚腊八醋无问佢攞, 因为我唔食佢粒蒜头, 无Honey帮我包办, 费事嘥人啲心机嘢啦!
碗面一到都急不及待, 好食到唔停得口, 面条弹牙、 肉酱浓淡相宜、青瓜条爽脆清新, 正! 煎牛肉饺真系一啖咬落去要格外留神, 食呢个反而要小心, 千祈唔好擒青, 烫口兼流汁, 要斯文啲! 呢度啲煎饺从来都系咁, 卜卜脆! 好味到想即刻encore......[哎呀~ 小食多滋味, 留番下次啦.....!]
食完喇! 无加一收费, 合共食咗38蚊, 满足到呢... 可以乖乖返屋企喇, 成个下昼谂住人哋啲饺子.....真系为食到呀!!!!!
张贴
