坐忘

营业中

休息中

自从第一次食过佢既猪软骨之后就好难忘，今次已经系第n次食。猪软骨定食佢既猪软骨燘得好淋好入味，连啲软骨都燘到溶晒，真系好好食。除此之外，个饭有沙律同椰菜，肉菜比例均衡。呢个餐好够饱，甚至系食唔晒。溏心蛋猪软骨乌冬溏心蛋好入味，做到溏心效果。乌冬系日本稻庭/赞岐乌冬个款好烟韧，配埋猪骨汤，好味。猪软骨份量比猪软骨定食少啲，女仔可以食得晒。同样地，面入面都有好多椰菜同粟米，肉菜比例均衡。食物质素好，而且价钱唔贵，真系令人食过返寻味。