On The Spot Cafe Bar Restaurant

营业中

休息中

今日又黎 On The Spot 食饭，我地系常客黎㗎～因为真心觉得依度食物质素很不错，环境又舒服，整体性价比高。贪地理位置方便，由天后地铁站A2出口行大概两分钟就到，而楼上舖好处就系环境宁静宽敞，我地正正钟意呢点。香蒜忌廉白酒煮蓝青口伴法包我第一次食新鲜蓝青口，同之前以前吃嘅急冻青口真系相差甚远!!  先讲新鲜度，青口肉质饱满，一啲都唔霉唔腥，应该系白酒做到除腥嘅作用，而法包系一个好好嘅搭配，因为可以点香蒜忌廉酱汁，吸收晒海鲜嘅精华虎虾香蒜番茄扁意粉我地一开头以为系一碟好普通嘅番茄意粉，但系尾韵竟然食到微微嘅辣系意料之外嘅惊喜。佢嘅辣一啲都唔唐突，其实𠮶调味几夹～仲有几抵食既系有一只大虎虾，肉质厚身鲜甜。树林里迷路的鸡我地之前成日叫牛颊肉，虽然的确系好食，不过今次我地想换口味，无谂过会有意外惊喜。上菜𠮶阵我地完全唔信系鸡肉，因为佢系一卷卷，好奇特。不过食落发现鸡肉口感扎实，调味浓郁，搭配薯泥一齐食口感更佳。而且唔好睇佢不要分量好似好少咁，其实都几饱肚架。